Nehru Trophy 13 <----click this link for details

Shree Ganeshan Chundan won the Nehru Trophy Boat Race 2013

Shree Ganeshan Chundan, the snake boat of the St Francis Boat Club, Harippad won the 61st edition of the Nehru Trophy Boat Race 2013 on 9 August 2013 that was held in Punnamada Lake in Alleppey (Alappuzha), Southern Kerala. This is the second consecutive win of Shree Ganeshan that was captained by Arunkumar, Karthikapally. In 2012, it was captained by Jiji Jacob Pollayil under Freedom Boat Club, Kainakary. Jawahar Thayankeri and Anari Chundan were placed at the second and third positions, respectively.

After the win, Ganeshan was honoured with the silver trophy that was donated by Jawaharlal Nehru in 1952 with his signature embossed on it. 

A total of 22 chundans (snake boats) and 41 other country boats participated in the race. The race was inaugurated by Governor of Kerala, Nikhil Kumar and Union Tourism Minister K. Chiranjeevi was the Chief Guest on the occasion.

Kayamkulam Boat Race 13<----click this link for details

Champakkara Vallamkali 13

Piravom Vallamkali 13

Payipad Jalolsavam 13

Mannar 13

Neerettupuram 13

Thazhathangadi 13

Gothuruth 13

Presidents trophy 2013

Kallada Jalolsavam 2013

https://www.facebook.com/photo.php?fbid=10203368326391871&set=gm.630269237010229&type=1&theater

പൊളിച്ചതാര്‍ക്കുവേണ്ടി....

ഒരു ജനതയുടെ സ്വപ്നങ്ങള്‍ക്ക് ചിറകു നല്‍കി കുട്ടനാടന്‍ മണ്ണില്‍ പിറവികൊണ്ട ചുണ്ടന്‍ ആണ് അംബേദ്‌കര്‍. ഇന്ത്യന്‍ ഭരണ ഘടന എഴുതിയുണ്ടാക്കിയ സമിതിയുടെ തലവന്‍ ആയിരുന്ന, ദേശവ്യാപകമായി പിന്നോക്കം ആയിരുന്ന ഒരു ബഹുഭൂരിപക്ഷത്തിന് കരുത്തും ആത്മവിശ്വാസവും പകര്‍ന്ന ആരാധ്യനായ ഡോ. ഭീം റാവു അംബേദ്കറുടെ സ്മരണയില്‍ ആണ് ചുണ്ടന് അദ്ദേഹത്തിന്‍റെ നാമധേയം നല്‍കിയത്. ഭരണ ഘടനാ ശില്‍പ്പിയുടെ ജന്മദിനാഘോഷങ്ങളുടെ ഭാഗമായി കേന്ദ്ര സര്‍ക്കാര്‍ പട്ടികജാതി, പട്ടികവര്‍ഗ്ഗ വിഭാഗങ്ങളുടെ ക്ഷേമം കണക്കിലെടുത്ത് അനുവദിച്ച ഫണ്ടില്‍ നിന്നാണ് ചുണ്ടനുള്ള പണം കണ്ടെത്തിയത്. ചുണ്ടന്‍ വള്ളങ്ങളുടെ പെരുംതച്ചന്‍ ആയ ശ്രീ കൊയില്‍മുക്ക് നാരായണന്‍ ആചാരിയുടെ കരവിരുതില്‍ പിറവികൊണ്ട അവസാന ചുണ്ടന്‍ എന്ന വിശേഷണവും അംബേദ്‌കറിന് തന്നെ. 1994 ജൂലായ്‌ 22 ന് ആണ് ചുണ്ടന്‍ നീരണിഞ്ഞത്. നീരണിഞ്ഞ വര്‍ഷം തന്നെ കൊള്ളിമീന്‍ പോലെ ആണ് ഈ ചുണ്ടന്‍ പുന്നമടയുടെ വിരിമാറില്‍ വന്നെത്തിയത്. കന്നി അങ്കത്തില്‍ മൂന്നാം സ്ഥാനം നേടി കരുത്തുകാട്ടി. പുളിങ്കുന്ന്, കരുവാറ്റ , കണ്ടശാംകടവ് എന്നിവിടങ്ങളില്‍ വിജയിച്ച ചുണ്ടന്‍ വേഗം ആണ് പ്രശസ്തിയിലെക്കുയര്‍ന്നത്‌. പണം മോഹിക്കാതെ തികഞ്ഞ ആത്മാര്‍ത്ഥതയോടെ തുഴഞ്ഞു സ്വരൂപിച്ച ബോണസ് തുക ആയിരുന്നു വള്ളത്തിന്റെ പരിപാലനത്ത്നായി ഉപയോഗിച്ചത്. വള്ളപ്പുര ഇല്ലാത്തതിനാല്‍ രണ്ടു വര്‍ഷത്തോളം വെള്ളത്തില്‍ കിടക്കേണ്ടിവന്ന ചുണ്ടന്‍ അറ്റകുറ്റപ്പണികള്‍ കൂടി ആയപ്പോള്‍ കുഴപ്പത്തിലായി. വള്ളപ്പുര ഉണ്ടായപ്പോള്‍ വള്ളം പുതുക്കി പണിയേണ്ട അവസ്ഥയുമായി. 2008 പണികള്‍ക്കായി 8 ലക്ഷം രൂപയുടെ ബജറ്റ് സര്‍ക്കാരിന് സമര്‍പ്പിച്ച ക്ലബ്ബിനു ഏറെ നാളത്തെ കാത്തിരിപ്പിന് ശേഷം 6 ലക്ഷം രൂപ അനുവദിച്ചു. തടി ഉരുപ്പടികള്‍ വാങ്ങിയപ്പോള്‍ തന്നെ അനുവദിച്ച പണം തീര്‍ന്നതിനാല്‍ വീണ്ടും സര്‍ക്കാരിനെ സമീപിച്ചു. അങ്ങനെ മൂന്നര ലക്ഷം കൂടി അനുവദിക്കുകയും വള്ളം മുഴുവനായി പുതുക്കി പണിയാന്‍ ഉള്ള ശ്രമവും ആരംഭിച്ചു. അധികൃതര്‍ നല്‍കിയ ഉറപ്പില്‍ വിശ്വസിച്ചു വള്ളം പൊളിക്കുകയും ചെയ്തു. എന്നാല്‍ പിന്നീട് സര്‍ക്കാര്‍ വകുപ്പുകള്‍ നിസ്സഹകരണം ആണ് കാട്ടിയത്. നെഹ്‌റു ട്രോഫിയുടെ തുടക്ക കാലം മുതല്‍ വള്ളംകളി രംഗത്ത് സജീവമായി, നിസ്വാര്‍ത്ഥം പ്രവര്‍ത്തിച്ചു കൊണ്ടിരിക്കുന്ന ശ്രീ കുപ്പപ്പുറം രഘു സര്‍ ആയിരുന്നു ക്ലബ്ബിന്‍റെ പ്രസിടന്റ്റ്. അംബേദ്‌കര്‍ ചുണ്ടന്റെ തിരിച്ചു വരവിനായി അദ്ദേഹം മുട്ടാത്ത വാതിലുകള്‍ ഇല്ല..ഇപ്പോഴും ആ ശ്രമം അദ്ദേഹം തുടര്‍ന്നുകൊണ്ടേയിരിക്കുന്നു. പുതുക്കി പണിയുവാനായി വാങ്ങിയ തടികളും പൊളിച്ച വള്ളത്തിന്റെ ഭാഗങ്ങളും അനാഥമായി വള്ളപ്പുരയില്‍ കിടന്നു നശിച്ചു പോകുകയാണ്. സര്‍ക്കാരിന്റെയും നെഹ്‌റു ട്രോഫി ബോട്ട് റേസ് കമ്മിറ്റിയുടെയും നിഷേധാത്മക നിലപാട് ഒരു ചുണ്ടനെയും കുറെപ്പേരുടെ സ്വപ്നങ്ങളെയും നിരാശയുടെ ചെളിക്കുണ്ടിലേക്ക്‌ ചവിട്ടി താഴ്ത്തിയിരിക്കുകയാണ്. ഇവര്‍ അവഹേളിക്കുന്നത് മഹാനായ അംബേദ്‌കറിനെയും പെരുംതച്ചനായ നാരായണന്‍ ആശാരിയെയും കുപ്പപ്പുറം രഘു സാറിനെ പോലെ വള്ളംകളിയെ ജീവവായു പോലെ സ്നേഹിക്കുന്നവരെയും പട്ടിക ജാതി പട്ടികവര്‍ഗ്ഗ വിഭാഗങ്ങളില്‍ ഉള്ള മണ്ണിന്‍റെ മക്കളെയും ഒക്കെ ആണ്. അതിനാല്‍ അധികൃതര്‍ മൌനം വെടിഞ്ഞ് അംബേദ്‌കര്‍ ചുണ്ടന് ശാപമോക്ഷം നല്‍കണം എന്ന് വള്ളംകളി പ്രേമികളുടെ പേരില്‍ ബോട്ട് രേസസ് കേരള ഗ്രൂപ്പ് ശക്തമായി ആവശ്യപ്പെടുന്നു.

ഇപ്പോള്‍ നിലവില്‍ ഒന്നാം നിരയില്‍ ഉള്ള ബോട്ട് ക്ലബ്ബുകള്‍:

സെന്റ്‌. ഫ്രാന്‍സിസ് ബോട്ട് ക്ലബ്
കെ ടി ബി സി
ദാവീദ് പുത്രാ ബോട്ട് ക്ലബ് 
ജീസസ് ബോട്ട് ക്ലബ്
യു ബി സി കൈനകരി
വില്ലേജ് ബോട്ട് ക്ലബ് കുമരകം
വേമ്പനാട് ബോട്ട് ക്ലബ്
സെന്റ്‌ സെബാസ്ത്യന്‍ ബോട്ട് ക്ലബ് തുരുത്തിപ്പുറം /ചേപ്പനം ബോട്ട് ക്ലബ്
കുമരകം ബോട്ട് ക്ലബ്

രണ്ടാം നിരയില്‍ ഉള്ള ബോട്ട് ക്ലബ്ബുകള്‍:
......................................................................................................................
കുട്ടനാട് ബോട്ട് ക്ലബ്
തിരുവാര്‍പ്പ് ബോട്ട് ക്ലബ്
ആലപ്പുഴ ടൌണ്‍ ബോട്ട് ക്ലബ്
പുന്നമട ബോട്ട് ക്ലബ്
കാവാലം ബോട്ട് ക്ലബ്
എമിരേറ്റ്സ് ബോട്ട് ക്ലബ്
ഏഞ്ചല്‍ ബോട്ട് ക്ലബ് മഞ്ചാടിക്കരി
ടൌണ്‍ ബോട്ട് ക്ലബ് കല്ലട
വേണാട് ബോട്ട് ക്ലബ്
ഫ്രണ്ട്സ് ബോട്ട് ക്ലബ് ചെന്നംകരി

മുകളിലെ ലിസ്റ്റില്‍ ഉള്ള ഏതൊക്കെ ക്ലബ്ബുകള്‍ മത്സരത്തിനുണ്ടാകും എന്ന് ഇപ്പോഴും അറിയില്ല. സെന്റ്‌ പയസ് ടെന്ത് , ജിജിയുടെ പുതിയ ടീം എന്നിവ കൂടി രംഗത്ത് വരുമ്പോള്‍ മത്സരം തീപാറും. ചിലപ്പോള്‍ മറ്റു ചില ക്ലബ്ബുകള്‍ കൂടി മത്സരരംഗത്ത് വന്നേക്കാം...

പുതിയ ജലരാജാക്കന്മാര്‍ കൂടി എത്തുന്നതോടെ ക്ലബ്ബുകള്‍ എങ്ങോട്ടെക്കെ പോകും എന്നും കണ്ടറിയണം. ചില പ്രമുഖ വള്ളങ്ങള്‍ക്ക് ചിലപ്പോള്‍ നല്ല ക്ലബ്ബുകള്‍ ഇല്ലാതെ കളിക്കെണ്ടിയും വരും... ഇനിയുള്ള ദിനങ്ങള്‍ ഒരുപാട് ചോദ്യങ്ങള്‍ക്കുള്ള ഉത്തരങ്ങള്‍ നല്‍കും എന്ന് കരുതാം...

നെഹ്‌റു ട്രോഫി വള്ളംകളി - നിര്‍ദ്ദേശങ്ങളും അഭിപ്രായങ്ങളും

നെഹ്‌റു ട്രോഫി വള്ളംകളിയുടെ നിലവാരം ഉയര്‍ത്തുന്നതിനും വിശ്വാസ്യത കൈവരുത്തുന്നതിനും അഴിമതി തടയുന്നതിനും അര്‍ഹതപ്പെട്ടവര്‍ക്ക്‌ സഹായങ്ങള്‍ ലഭിക്കുന്നു എന്ന് ഉറപ്പു വരുത്തുന്നതിനും വേണ്ടി ചില നിര്‍ദ്ദേശങ്ങള്‍ അടങ്ങിയ ഒരു നിവേദനം ഫേസ്ബുക്ക് ഗ്രൂപ്പുകളുടെയും വള്ളംകളി രംഗത്തെ പ്രമുഖരുടെയും എല്ലാം സഹകരണത്തോടെ ആലപ്പുഴ കളക്ടര്‍ക്ക് സമര്‍പ്പിക്കണം എന്ന് ആഗ്രഹിക്കുന്നു. ഈ സംരംഭത്തിന് എല്ലാവരുടെയും സഹകരണം ഉറപ്പാക്കുകയും അതിനു വേണ്ട തയ്യാറെടുപ്പുകള്‍ നടത്തുന്നതിനുമായി ഒരു വിപുലമായ ചര്‍ച്ച ഇവിടെയും മറ്റു ഗ്രൂപ്പുകളിലും തുടങ്ങുകയാണ്. ഒരു തുടക്കം എന്ന നിലയ്ക്ക് ചില നിര്‍ദ്ദേശങ്ങള്‍ ഇവിടെ കുറിക്കുകയാണ്. കൂടുതല്‍ നിര്‍ദ്ദേശങ്ങളും അഭിപ്രായങ്ങളും (ഭിന്നാഭിപ്രായങ്ങള്‍ ഉണ്ടെങ്കില്‍ അതും) ആയി ഈ സംരംഭത്തെ വള്ളംകളിയുടെ നന്മയെ മനസ്സില്‍ കരുതി പിന്തുണയ്ക്കും എന്ന് പ്രത്യാശിക്കുന്നു. എല്ലാവര്‍ക്കും ചര്‍ച്ചയിലേക്ക് സ്വാഗതം....

നിവേദനത്തില്‍ ഉള്‍പ്പെടുത്തേണ്ട വിഷയങ്ങള്‍
...............................................................................................

1 ) സ്റ്റാര്‍ട്ടിംഗ് കര്‍ശനം ആക്കുക (ശരിയായ സാങ്കേതിക വിദ്യ ഉപയോഗപ്പെടുത്തി സംശയ രഹിതമായ സ്റ്റില്‍ സ്റ്റാര്‍ട്ട് ഉറപ്പു വരുത്തുക)
2) ട്രാക്ക് നിര്‍ണ്ണയിച്ചു കഴിഞ്ഞാല്‍ അവിടേക്ക് മറ്റു വള്ളങ്ങളെയും ബോട്ടുകളെയും കടത്തി വിടാതിരിക്കുക. സ്റ്റാര്‍ട്ടിംഗ് നടക്കുന്നിടത്ത് പ്രത്യേകിച്ചും.(സുരക്ഷാ ഉദ്യോഗസ്ഥരും ഒഫിഷ്യല്‍സും ഒഴികെ)
3) തുടക്കം മുതല്‍ അവസാനം വരെ കൃത്യമായി ചിത്രീകരിക്കുക. തടസ്സമില്ലാതെ ലൈവ് നല്‍കുക.
4) കൃത്യമായ ഫോട്ടോ ഫിനിഷ് സംവിധാനം ഒരുക്കുക.(സെന്‍സര്‍ സംവിധാനം കൂടുതല്‍ ഫലപ്രദം)
5) സ്ലോ മോഷന്‍ റെക്കോര്‍ഡിംഗ് ഉണ്ടായിരിക്കണം.
6) തുഴച്ചില്‍ക്കാരുടെ എണ്ണം കൃത്യം ആക്കുക.
7) എക്സ് പെര്‍ട്ട്‌കളെ സ്റ്റാര്‍ട്ടെഴ്സ് ആയും ജഡ്ജസ് ആയും നിര്‍ണ്ണയിക്കുക.
8) മാസ് ഡ്രില്‍ സമയത്ത് ഹാജരാകാത്തവരെ ഒഴിവാക്കുക.
9) സമയ ബന്ധിതമായി ഹീട്ട്സുകളും ഫൈനലുകളും നടത്തുക.(2 മണിയ്ക്ക് തന്നെ ഹീട്ട്സുകള്‍ തുടങ്ങുക.)
10) ഫിനിഷിംഗ് പോയന്റില്‍ ഇരുവശവും വലിയ സ്ക്രീന്‍ സ്ഥാപിക്കുക 
11) തുഴചിക്കാര്‍ക്ക് ഐ ഡി നിര്‍ബ്ബന്ധം ആക്കുക.
12) ക്യാപ്ട്ടന്‍സ് ക്ലിനിക്കില്‍ നല്‍കുന്ന നിര്‍ദ്ദേശങ്ങള്‍ പാലിക്കാത്തവരെ അയോഗ്യര്‍ ആക്കുക 
13) വള്ളങ്ങള്‍ക്കുള്ള ഗ്രാന്‍റ് വര്‍ധിപ്പിക്കുക 
14) തുഴചില്‍ക്കാര്‍ക്ക് ഇന്ഷ്വറന്‍സ് പരിരക്ഷ ഉറപ്പാക്കുക.
15) പ്രാഥമിക ആവശ്യങ്ങള്‍ക്കുള്ള സംവിധാനങ്ങള്‍ ഇരു പവലിയന് സമീപവും ഏര്‍പ്പെടുത്തുക.
16) ടിക്കറ്റ്, പാസ് എന്നിവ കര്‍ശനമായി ചെക്ക് ചെയ്യുക, അതില്‍ സീറ്റ് നമ്പര്‍ ഉള്‍പ്പെടുത്തി അവര്‍ക്ക് അത് ലഭിക്കുന്നു എന്ന് ഉറപ്പു വരുത്തുക.
17) വള്ളംകളി സ്ഥലത്തേക്ക് എത്തുവാന്‍ ഉള്ള direction board കള്‍ എല്ലായിടവും സ്ഥാപിക്കുക.
18) അടിയന്തിര വൈദ്യ സഹായം വേണ്ടവര്‍ക്ക് അതിനുള്ള സൌകര്യം ഏര്‍പ്പെടുത്തുക.
19) പുതുക്കി പണിയുന്ന ചെറുതും വലുതുമായ വള്ളങ്ങള്‍ക്ക് സാമ്പത്തിക സഹായം നല്‍കുക. പലിശ രഹിത വായ്പയും ഏര്‍പ്പെടുത്തുക.
20) പൊതുജന പങ്കാളിത്തം ഉള്ള ഉപദേശക സമിതിയെ നിയോഗിക്കുക.(ഉപദേശക സമിതിയെ തിരഞ്ഞെടുക്കാന്‍ വള്ളംകളിപ്രേമികള്‍ ഉള്‍പ്പെടെയുള്ളവരെ കലക്ടറുടെ അധ്യക്ഷതയില്‍ പൊതുയോഗത്തിന് ക്ഷണിക്കുക)
21) അനാവശ്യ ധൂര്‍ത്ത് ഒഴിവാക്കി വേണ്ടിടത്ത് അര്‍ഹമായ തുക ചിലവഴിക്കുക.
22) വള്ളങ്ങള്‍ക്ക് പ്രകടനത്തിന്‍റെ അടിസ്ഥാനത്തില്‍ റാങ്കിംഗ് ഏര്‍പ്പെടുത്തുക (അതിനായി വിദഗ്ധരുടെ മേല്‍നോട്ടത്തില്‍ നിശ്ചിത ദൂരം ട്രാക്കില്‍ തുഴഞ്ഞ് സമയത്തിന്‍റെ അടിസ്ഥാനത്തില്‍ യോഗ്യത നേടണം. ഏറ്റവും കുറഞ്ഞ സമയം എടുത്ത നാല് വള്ളങ്ങളെ നാല് ഹീട്ട്സിലേക്ക് പരിഗണിക്കുക. ആ രീതിയില്‍ മറ്റു വള്ളങ്ങളെയും ഹീട്ട്സിലേക്ക് കണ്ടെത്താം )
23) അഴിമതിയും പക്ഷപാതവും ഒഴിവാക്കാനായി വള്ളം ഉടമകളെയും മറ്റും റേസ് കമ്മിറ്റിയില്‍ എടുക്കാതിരിക്കുക. പകരം നിക്ഷ്പക്ഷരും വള്ളംകളി രംഗത്ത് പ്രാഗത്ഭ്യം നേടിയവരെയും ഉള്‍പ്പെടുത്തുക.
24) കമ്മിറ്റിയുടെ പ്രവര്‍ത്തനത്തെ ഓരോ ഘട്ടത്തിലും വിലയിരുത്താനും സുഗമമായ പ്രവര്‍ത്തനം ഉറപ്പു വരുത്താനും ഒരു ഉന്നത ഉദ്യോഗസ്ഥനെ ചുമതലപ്പെടുത്തുക.
25) അവശത അനുഭവിക്കുന്ന പഴയ വള്ളംകളിക്കാര്‍ക്ക് ധനസഹായം നല്‍കുക. 
26) വള്ളംകളി രംഗത്തിനു നല്‍കിയ സമഗ്ര സംഭാവനകള്‍ക്കായി അവാര്‍ഡുകളും ഏര്‍പ്പെടുത്തുക.